نـــــــــــــــــوع ضحكتك ...

ياهلا ويامرحبا

شوفي نوع ضحكتك ::

[ ههههههههههههههههههه ]
صاحب هذه الضحكه .. وسيع صدر .. حبوب .. طيوب .. بس مجامل بشكل كبير .. مسالم وعلى نياته .. دايما مبسوط وبارد ..وابشع شيء انه يضحك احيانا في مواقف غلط !! .. يعني مواقف حزينه يجيك يضحك يصير تبي انك تضربه باللي معك ... غبي .. بس مليح
::

[ ههههههههههههاي اهم شيء الياء ]

انسان شايف نفسه متكبر .. ضحكه قليل يقاله ثقل .. متسلط ويحس بالنقص .. ثقيل دم .. احسن طريقه للتعامل مع ناس زي كذا.. هو (القمع والشكم) <وش معناها
عشان يعرف ان
من تواضع لله رفعه

::
[ هاهاهاهاهاهاها بنفس الترتيب ]

انسان مرتب .. يعني اذا دخلت غرفته ما تلقى فيها عود طايح.. كل شيء منظم ومرتب حتى الضحكه .. مثقف ويلبس نظارات !! يعني نظرات اكبر من وجهه .. ما يضحك كثير بس يبتسم .. شكله يخليك ترتاح له وتشكي له .. عاده تلقى عنده الحل .. لو مالقيت الحل اهم شيء ترتاح ..

::
[ نياهاهاها ]
انسان شرررير .. يمووووت في النذاله والشر .. قمه الوناسه عنده انه يرج ببسي ويعطي احديفتحها له .. عيونه يطلع منها شرر .. مركب ضروس ذهب عشان اذا ضحك تلمع وتقهر ازود احسن طريقه للتعامل مع هالنوعيه هو العمل بالمثل "ابعد عن الشر وغني له" .. لكن مهما حاولت تبتعد عنه هو بيجيك لانه يموووت ويسوي فيك مقلب .. لكن انتبه تعطيه فرصه.. لانه لو ما قهر احد يصدع راسه .. الله يعين اللي حوله عليه

::[ هههاااهاهااهاهههااههه بالحوسه هذي ]

انسان مضيع بمعنى الكلمه .. يعني لو تساله عن اسمه قال ممكن الاتصال بصديق عشان الموضه يعني .. اذا مضطر تدخل غرفته .. افتح الباب من بعيد عشان لا قدر الله ما يطيح شي على راسك... العلك ما ينزل من فمه ويقعد يمعط فيه يعني يمسك طرف العلكه بسنه والطرف الثاني بيده وهات يا تمعيط ويلوي فيه ويسوي حركات بهلوانيه انسان لو تصفق فيه وتهزئه ما درى عنك يحسبك تتكلم عن ولد الجيران .. الدنيا ما قامت ولا قعدت عنده ..

::
[ هه هه هه هه ]

انسان متردد .. يفكر 60 مرره قبل لا يسوي شيء .. رومانسي .. يراعي مشاعر الاخرين .. خدوم يحب يساعد حتى لو ما يقدر يدبرها .. ان صادفك احد من هالنوع تمسك فيه لان النوعيه هذي نادره .

::
[كعكعكعكعكعكعكع ]

انسان "دب" "فيل" يتراوح وزنه ما بين 100 -150 كيلو متر مربع لا عفوا تكعيب .. استمد ضحكته من كثر الاكل .. كريم جدا لحد الاسراف خصوصا اذا كانت السالفة فيها اكل .. ما يطلع من البيت الا وجيوبه مليانه .. علب ببسي وفش فاش ياقدمي اللي يجلس معه بيزيد 5 كيلو/ ساعه
اماكنه المفضله : السوبرماركت - المطاعم - اينما تواجد الاكل .. لكن في نفس الوقت نفسه عزيزه .. كيفيه التعامل مع الاشخاص .. اهم شيء اجلس بعيد عنه خوفا على عظامك لا تخلخل لانه عاده يصاحب هذه الضحكه حركه سريع باليد .. مع ذلك خفيف دم ووسيع صدر .. واصدقائه يحبونه حتى لو قطّوا له في عشاء بس اهم شيء يجي معهم

::
يقولون فيه ضحكه جديده نازله السوق وهي

[ هعهعهعهعهعهعهعهعهع ]

وللحين ما عرفنا نحلل شخصية صاحبها لووووووووووووووووووول::

[ اما صاحب هذه الضحكة خخخخخخخخخخخخخخخخخ ]

فهو عارف نفسه وهو مؤسس حركة خخخخخخخخخخخخخخخ لول ويحب الضحك المكار لئيم واحيانا تحس انه يطفش البشر من حوله لول وهو شخصية حبوبة ومتفائلة ويحب الحياة بس مشكلته انه يحب الاكل بكثرة والادهى انه يحب الرج المبرح والصرقعه



منقول